СИЁСАТИ «ДАРҲОИ КУШОД» СИЁСАТИ ДУРУСТ АСТ

 Сиёсати «Дарҳои боз» барои Тоҷикистон сиёсати саривақтӣ ва зарурӣ аст,- иброз дошт сардори департаменти иттилооти Вазорати корҳои хориҷӣ Давлат Назрӣ.

Бартарии ин сиёсат дар он аст, ки Тоҷикистон метавонад, бо чандин кишварҳо, ки дар ин ё он арса аҳд ва манофеи муштарак доранд, ҳамкорӣ намояд. Ҷумҳурии Тоҷикистон ҳамкориҳои худро бо 119 давлати ҷаҳон дар асоси муносибатҳои сиёсӣ, иқтисодӣ, тиҷоратӣ ва фарҳангӣ ба роҳ мондааст. Тибқи сиёсати дарҳои боз далеле дар бораи маҳдуд кардани ин ё он кишвар дар сиёсати хориҷии Тоҷикистон вуҷуд надорад. Ҳамроҳ шудани кишварҳои нав дар ҳамкориҳои Тоҷикистон як амри табиист ва инро танҳо манофеи миллии мо муайян мекунад на чизи дигару на каси дигар.

Ҳоло Ҷумҳурии Тоҷикистон бо беш аз 100 давлати дунё муносибатҳои дипломатиашро дар сатҳи олӣ ба роҳ мондааст, ки ин аз рушди дипломатияи Тоҷикистон далолат мекунад.

Лаззат Диловарзод, АМИТ «Ховар»