Қатли як донишҷӯи мусалмон дар Лондон барои ҳиҷоби исломӣ
Як бонуи мусалмон ба далели доштани ҳиҷоби исломӣ бар асари зарбаи корд дар донишгоҳе дар Искес дар Лондон кушта шуд.
Ба гузориши Пресс-тв, Ҳофингтон-пост гузориш дод: Ноҳид ал-Мониъи 31-солаи аҳли Арабистони Саудӣ, ки барои таҳсил дар мақтаи докторӣ дар Англия ба сар мебурд, дар ҳоли ҳаракат дар пиёдарав 16 бор ҳадафи зарбаи корд қарор гирифт. Полис бар ин бовар аст, ки ин зани мусалмон ба иллати доштани пӯшиши исломӣ, либоси кушоду дароз ва доштани рӯсарӣҳадаф қарор гирифта ва кушта шудааст.
Мақомоти донишгоҳи Искес гуфтанд: ал-Мониъ донишҷӯи пурталоше буд ва то поёни имсол давраи таҳсили худро ба поёни мерасонд. Пайкари ин донишҷӯи зани мусалмон ба устони Ҷавфи Арабистони Саудӣ, ҷое ки мардуми зиёде барои ширкат дар маросими ҷанозаи вай таҷаммуъ карда буданд, мунтақил шуд.
Бинобар гузоришҳо, як марди 52-сола дар иртибот бо қатли ал-Мониъ боздошт шудааст. Ин ҳамла вокунишҳои бисёр тундеро дар миёни мардум дар Англия ва Арабистони Саудӣ ба ҳамроҳ доштааст.