Муноқиша дар Украина ба сатҳи нав мерасад

Чунин ба назар мерасад, ки низоъ дар Украина идома меёбад ва бо вуҷуди он, ки ҳам Маскав ва ҳам Киев дар замонҳои мухталиф имкони ҳалли ихтилофотро дар ҷараёни музокирот эълом доштанд, аммо ҳеҷ музокироте сурат нагирифт.

Дар ҳамин ҳол, хабарҳо дар бораи ҳимояти Украина аз ҷониби ИМА, Исроил ва дигар давлатҳо мунтазам дар расонаҳои пешрафтаи ҷаҳон сархати хабарҳост.

Масалан, ҳафтаи ҷорӣ муовини аввали котиби матбуотии Кохи Сафед Оливия Далтон гуфт, ки Иёлоти Муттаҳида ният дорад ба Украина як бастаи дигари кӯмак, ки ҳудуди 2 миллиард доллар тахмин зада мешавад, ироа кунад.

Каме қабл, Вашингтон ва муттаҳидонаш ба Украина бомуваффақият додани силоҳи вазнин оғоз карданд, ҳоло ин як силоҳҳои хеле ҷиддӣ мебошанд – “Абрам”-ҳо, тонкҳои “Леопард” ва дигар таҷҳизот.

Ба ин тартиб, ҳаҷми умумии кӯмакҳои Амрико ба Киев тақрибан 30 миллиард долларро ташкил медиҳад - маблағи бениҳоят қобили муқоиса бо маҷмӯи маҳсулоти дохилии Тоҷикистон ё як кишвари дигари Осиёи Марказӣ мебошад.

Бо ин ҳол ҳама дар Украина аз чунин кӯмакҳо хушҳол нахоҳанд шуд. Ба ҳар ҳол Иёлоти Муттаҳида бо иқдомоти худ даргириро ба сатҳи ҷадид мебарад, ки ин маънои онро дорад, ки боз мардуми осоиштаи Украинаро ба нобудӣ мекашонанд.

Ахиран дар яке аз шабакаҳои Телеграм санаде бо имзои раиси Ситоди кулли нерӯҳои мусаллаҳи Украина нашр шуд, ки дар он беш аз 35 000 сарбози кушташудаи украинӣ зикр шудааст. Ин вазъ тааҷҷубовар нест, зеро мақомоти Киев бо кам кардани теъдоди расмии сарбозони кушташуда кӯмакҳои иҷтимоии ваъдашударо ба хонаводаҳои қурбониён намесупоранд.

Бо дарназардошти он, ки аз замони даргириҳо дар Украина 40 000 нафар низомиёни Қувваҳои Мусаллаҳи Украина нобуд карда шуд ва Украина мунтазам таҷҳизоти гаронбаҳои ҳарбӣ мегирад, мо метавонем хулосаҳои ноумедкунандае барорем, ки шаҳрвандони Украина дар ивази "кӯмак"-и ИМА ҷони худро дар даргириҳои низомие, ки ҳеч суде барои онҳо ба ҳамроҳ надорад, қурбон мекунанд.

Пас чӣ касе аз ташдиди даргириҳо дар Украина суд мебарад?