МУДОФЕЪОНИ ҲУҚУҚИ БАШАР ЗИДДИ ИХРОҶИ МУҲОҶИРОНИ МЕҲНАТИИ ТОҶИК АЗ РУСИЯНД
Сарвари гурӯҳи москвагии Хелсинки Людмила Алексеева дар як мусоҳибаи худ ба хабаргузории Интерфакс гуфтааст, ки депортатсияи муҳоҷирони меҳнатии тоҷик аз Русия ба Тоҷикистон дар ҷомеъаи Русия эҳсоси бегонатарсиро, ки бе ин ҳам хеле шиддат гирифааст, дучанд зиёд хоҳад кард.
Лев Пономарёв, лидери ҳаракати «Барои ҳуқуқи инсон», ки яке аз собиқадорони ҷамъияти мудофеъони ҳуқуқ ба шумор меравад низ ҳамин нуқтаи назарро ҷонибдорӣ намуда меафзояд, ки депортатсияи муҳоҷирони тоҷик, дар ҷомеъаи Русия дар баробари афзудани эҳсосоти тарсу ваҳм аз бегонаҳо инчунин хашму ғазаби онҳоро алайҳи муҳоҷироне, ки бо меҳнати бунёдкорона машғуланд, бештар хоҳад кард.
«Дили ман пеш аз ҳама барои он муҳоҷироне месӯзад, ки дар ин ҷо барои москвагиҳо меҳнати фоидаовареро анҷом медоданд. Бале, халабонҳоро озод бояд кард, вале на ба ивази депортататсия кардани муҳоҷирони меҳнатӣ. Агар давлати Тоҷикистонро ба гунае, масалан, ҳабс кардани ҳисобҳои бонкии он, ҷазо медоданд, ман инро дарк карда метавонистам. Вале вақте, ки аз ин қазия муҳоҷирони оддӣ ранҷ мекашанд, ин хеле бад аст. Аён аст, ки маъракаи мазкур ангезаҳои сиёсӣ дорад»- иброз дошт Лев Пономарёв.
«Рӯзгор»
Шарҳҳо
RSS Обуна