ДИИШ аз пойгоҳи асосиаш маҳрум гардид
Тибқи гузоришҳо қувваҳои мардумии курд яке аз шаҳрҳои муҳими вилояти Раққа - пойгоҳи аслӣ ва стратегӣ барои террористҳои ДИИШ- шаҳри Айн Исо, воқеъ дар километри 46-уми самти шимоли шаҳри Раққаро ба ихтиёри комили худ дароварданд, ки баъди ин роҳи асосии воридшавии яроқу аслиҳа аз хориҷ барои ДИИШ баста шуд.
Тибқи сарчашмаҳои хабарӣ баъд аз задухӯрдҳо бо террористони ДИИШ, қувваҳои курд ба сафи мухолифони худ хисороти сангин ворид карданд, ки дар натиҷа курдҳо баъд аз озод кардани шаҳри Тал Абяз, дар шаҳраки Сулук ва даҳҳо деҳаҳои ҳамсояи он ба пешравиҳои назаррас ноил гаштаанд. Ин дастовард ба онҳо имкон медиҳад, ки қувваҳои ДИИШ-ро дар шаҳрҳои Раққа ва Табқа ва атрофи он дар муҳосира қарор диҳанд.
АМИТ «Ховар»