05:28:15 16-уми Ноябри 2019 сол
Ahmad Zahir - banner 2015
 
 youtube-ruzgor-2014

Qissahoi hijrat - 2015
 
1.banner grunger 2019
 

Тақвим

<< < Ноябр 2019 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Намоишгоҳи сеюми байналмилалии китоб дар «Душанбе-Плаза»

Дирӯз дар муассисаи давлатии «Душанбе-Плаза»-и пойтахт сеюмин Намоишгоҳи байналмилалии китоби Душанбе шурӯъ ба кор кард.

1_namoishi-kitob_454554.jpg

Саҳни бино ба парчами кишварҳои ширкаткунанда оро ёфта буд ва ҳанӯз пеш аз оғоз, соати 9 субҳ садои 20 карнай олами атрофро ғулғула андохт. Дар ин маросим масъулини Вазорати фарҳанг, адибони шинохта, олимон ва рӯзноманигорони ватаниву хориҷӣ, ҳамчунин меҳмонон аз мамолики мухталиф ширкат намуанд.

Намоишгоҳро бо суханони муқаддимавӣ Вазири фарҳанги Тоҷикистон Мирзошоҳрух Асрорӣ ифтитоҳ намуд ва ба дунбол Муовини Сарвазири Ҷумҳурии Тоҷикистон Руқия Қурбонова Президенти Академияи улуми кишвар Маҳмадшо Илолов, Сафири фавқулодда ва мухтори Эрон дар Тоҷикистон Алиасғари Шеърдӯст, муовини Раиси Иттифоқи нависандагони кишвар Абдулҳамид Самадов суханронӣ намуданд.

2_namoishi-kitob_454554.jpg

Ҳамзамон бо ин дар доираи баргузории Намоишгоҳ дар толори «Рӯнамои китоб»-и муассиса муаррифии асари нависандаи шинохтаи кишвар Абдулҳамиди Самад «Санги маҳак ва тарозуи ҳунар» ва ба дунболи он баъд аз зӯҳр шиносоии хонандагон бо ҷилди дуввуми китоби «Энсиклопедияи миллии тоҷик» баргузор гардид.

3 namoishi-kitob 454554

Маҳфил бо сухани муқаддамотии директории Муассисаи давлатии «Сарредаксияи илмии Энсиклопедияи миллии тоҷик» Нурмуҳаммад Амиршоҳӣ шуруъ шуд ва мавсуф дар бораи муҳтаво ва арзиши илмии китоби мазкур сухан ронд ва чопи ин китобро муҳим ва саривақтӣ донист.

Маврид ба ёдоварист, ки дар Намоишгоҳи сеюми байналмилалии китоби Душанбе чун дар як соли пеш аз Афғонистон, Эрон, Белорус, Қазоқистон, Туркманистон, Чин, Қирғизистон, Туркия, Озарбойҷон ва ҳамаи нашриётҳои давлативу хусусии Тоҷикистон иштирок намуданд.

4_namoishi-kitob_454554.jpg

Қиёмиддин Сатторӣ, яке аз масъулини баргузории ин Намоишгоҳ дар сӯҳбат бо «Рӯзгор» гуфт қарор аст Намоишгҳ китоб cе рӯз идома кунад ва рӯзи ҷумъа ба кори худ поён диҳад.

«Рӯзгор»



Назари Шумо

Security code
навсозӣ

sultoni-qalbho
askshoi-khotiravi