USAID: ОМӮЗИШИ ДАРЁФТИ УСУЛҲОИ ПЕШҚАДАМИ ТАБОБАТ

Ҳукумати ИМА ба воситаи Оҷонсии ИМА оид ба рушди байналмиллалӣ силсилаи омӯзишҳоро барои 37 нафар мутахассисони соҳаи тандурустӣ дар Маркази тибби исботшудаи назди ДДТТ оғоз кард. Иштирокчиёни омӯзиш усулҳои дарёфт, пешгирӣ ва табобати бемориҳои сил, ВНМО ва дигар бемориҳоро таҳия мекунанд.

Ин омӯзишҳо бо пешниҳоди Вазорати тандурустӣ дар доираи Лоиҳаи USAID «Тандурустии босифат» амалӣ мегарданд. Маълумотгирӣ дар давраи миёнаи касбӣ (тахассусӣ) барои мутахассисони соҳаи тандурустии Ҷумҳурии Тоҷикистон хеле муҳим мебошад, зеро он имкон медиҳад, ки дар бораи таҷрибаҳои муосири соҳаи тандурустӣ маълумоти навтарин ба даст оварда шавад. Директори намояндагии USAID дар Ҷумҳурии Тоҷикистон Ҷеффри Лерер аҳамияти лоиҳаро таъкид намуда, изҳор дошт, ки «барои он ки табибон тамоюлҳои навро дар соҳаи тандурустӣ омӯзанд, онҳо одатан ба маҳаллаҳои тиббӣ, вохӯриҳои ассотсиатсияҳои касбӣ, ҳамчунин ба маърӯзаҳо такя мекунанд, аммо дар Тоҷикистон табибон дар давраи миёнаи тахассусии худ ба маълумот дастрасӣ надоранд. Лоиҳаи USAID «Тандурустии босифат» донишҳои онҳоро дар бобати таҷрибаҳои муосир такмил медиҳад ва бо ин роҳ ба садҳо одамон дар тамоми Тоҷикистон кӯмак мерасонад».

USAID 3 Омӯзишҳо методҳои нави пешгирӣ, муоина, ташхис ва табобат ба стандартҳои байналмилалӣ асосёфтаро таълим медиҳанд. Ҳукумати Ҷумҳурии Тоҷикистон, USAID ва дигар шарикони байналмилаллӣ бо мақсади қонеъ намудани ниёзҳои мушаххаси мардуми тоҷик чунин омӯзишҳоро таҳия кардаанд. Дар оғози омӯзиши нахустин сардори Раёсати ташкили хизматрасониҳои тиббии Вазорати тандурустии Ҷумҳурии Тоҷикистон Октам Бобохоҷаев қайд кард, ки «Ин омӯзишҳо методҳои наверо истифода хоҳанд кард, ки бевосита барои кормандони тиб муфиданд ва инчунин ба мо имкон медиҳанд, то ба стандартҳои байналмиллалӣ ҷавобгӯ бошем».

USAID 4 Омӯзишҳои мазкур як бахши стратегияи тандурустии Ҷумҳурии Тоҷикистон мебошад. Бо мақсади кафолати он ки тандурустии Ҷумҳурии Тоҷикистон таҷрибаҳои беҳтарини ҷаҳониро риоя хоҳад кард, Ҳукумати Ҷумҳурии Тоҷикистон, USAID ва дигар шарикони байналмиллалӣ стратегияи бахши тандурустиро таҳия намуданд. Лоиҳаи USAID «Тандурустии босифат» яке аз чанд лоиҳаҳои мадад ба рушди Тоҷикистон мебошад, ки аз тарафи Оҷонсии ИМА оид ба рушди байналмиллалӣ амалӣ карда мешавад. Аз соли 1992 то инҷониб мардуми Амрико ба воситаи Сафорати ИМА дар Душанбе ба миқдори 900 миллион доллар кӯмак намуд. Маблағҳои мазкур барои дастгирии рушди соҳаҳои иқтисодиёт, тандурустӣ, маориф ва ниҳодҳои демократӣ дар Тоҷикистон равона шудаанд.