Намояндагони 5 кишвари ИДМ дар Душанбе масъалаҳои мудофиаро баррасӣ карданд

Дар пойтахти Тоҷикистон масъалаҳои таҳкими иқтидори мудофиавӣ, омодасозии мутахассисон барои Қувваҳои Мусаллаҳ ва муборизаи муштарак бо таҳдидҳои замони муосир баррасӣ гардиданд.

Имрӯз дар шаҳри Душанбе Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти Иттиҳоди Давлатҳои Мустақил (ИДМ) баргузор гардид. Дар кори ин ҷаласаи муҳим намояндагони расмии ҷумҳуриҳои Тоҷикистон, Узбекистон, Беларус, Қирғизистон ва Федератсияи Русия иштирок намуданд.

Дар ҳамоиш Сардори Муассисаи давлатии «Мададгори мудофиа»-и Вазорати мудофиаи Ҷумҳурии Тоҷикистон Абдулмумин Давлатзода суханронӣ намуд. Мавсуф таваҷҷуҳи иштирокчиёнро ба масъалаҳои таҳкими иқтидори мудофиавии Тоҷикистон тавассути татбиқи тадбирҳои тодаъватӣ ҷалб кард.

Самтҳои асосии фаъолият ва ҳамкории мудофиавӣ:

- Густариши тарбияи ҳарбӣ–ватандӯстии наврасону ҷавонон.

- Тайёр намудани мутахассисони баландихтисос барои Қувваҳои Мусаллаҳи кишвар.

- Рушду нумуи намудҳои ҳарбӣ–амалӣ ва техникии варзиш дар байни ҷавонон.

Зимни ҷаласа махсус таъкид гардид, ки дар шароити мураккаби ҷаҳони муосир танҳо дар якҷоягӣ ва иттиҳод бо дигар давлатҳое, ки ҳадафу манфиатҳои муштарак доранд, метавон дар мубориза бо таҳдидҳо ва хатарҳои глобалӣ муваффақ гардид.

“Рӯзгор”