Остона: Тоҷикистон дастовардҳои худро дар соҳаи зеҳни сунъӣ намоиш дод

Ҳайати Ҷумҳурии Тоҷикистон дар Конфронси байналмилалии C5+1 SI иштирок намуда, таҷриба ва дастовардҳои кишварро дар соҳаи рақамикунонӣ ва технологияҳои нави ИМА ва Осиёи Марказӣ муаррифӣ кард.

Ҳайати Ҷумҳурии Тоҷикистон дар Конфронси муҳими C5+1 SI, ки дар шаҳри Остонаи Ҷумҳурии Қазоқистон доир гардид, иштирок намуд. Ин ҳамоиши байналмилалӣ ба рушди зеҳни сунъӣ, таҳкими ҳамкории рақамӣ ва густариши шарикии технологӣ байни кишварҳои Осиёи Марказӣ ва Иёлоти Муттаҳидаи Амрико бахшида шудааст.

Дар доираи ҷаласаи канории ин конфронс, муовини якуми директори Агентии инноватсия ва технологияҳои рақамӣ Ҳаким Исмоилзод суханронӣ намуда, дастовардҳои назарраси Тоҷикистонро дар самти рушди зеҳни сунъӣ ва раванди гузариш ба низоми рақамӣ махсус муаррифӣ кард.

Муҳокимаҳо ва самтҳои асосии конфронс:

Технологияҳои нав: Мубодилаи афкор доир ба дурнамои тавсеаи ҳамкории байналмилалӣ ва татбиқи технологияҳои зеҳни сунъӣ.

Шарикии муштарак: Рушди ташаббусҳои муштарак дар соҳаи рақамикунонии минтақа.

Платформаи ягона: Баррасии масъалаҳои инфрасохтори рақамӣ, омодасозии кадрҳои соҳа ва ҳамкории технологӣ.

Бояд қайд кард, ки Конфронси C5+1 SI дар доираи моҳвораи «AI MONTH 2026» баргузор гардид. Он намояндагони мақомоти давлатӣ, созмонҳои байналмилалӣ, бахши технологӣ ва коршиносони варзидаи кишварҳои Осиёи Марказӣ ва Иёлоти Муттаҳидаи Амрикоро барои муайян кардани қадамҳои минбаъда ба ҳам овард.

“Рӯзгор”