ИА кӯшиш мекунад, ки музокироти JCPOA-ро наҷот диҳад, мегӯяд Боррел

Ҷозеп Боррел, дипломати Иттиҳодияи Аврупо ба Financial Times гуфт, Иттиҳодияи Аврупо кӯшиш мекунад, ки музокироти JCPOA, ки ба далели худдории ИМА барои хориҷ кардани Сипоҳи Посдорони Инқилоби Исломӣ аз рӯйхати созмонҳои террористӣ қатъ шуда буд, наҷот диҳад.

Дар моҳи март портали Axios бо такя ба манобеъаш навишт, ки маъмурияти Амрико метавонад мавқеъи худро дар масъалаи хориҷ кардани Сипоҳи посдорони инқилоби исломӣ аз феҳристи созмонҳои террористӣ ба далели норозигии Теҳрон бо талабҳои ироашуда ва фишори дохилӣ сахттар кунад.

Рӯзномаи "Wall Street Journal" ҳамчунин навиштааст, ки нотавонии Амрико ва Эрон дар пайдо кардани созиш дар масъалаи Сипоҳи посдорони инқилоби исломии Эрон метавонад боиси шикасти музокирот шавад, ки дар тӯли тақрибан як сол имкони ҳалли ихтилофоти мухталифи миёни ҷонибҳо шуд.

Чунон ки Боррел дар мусохиба бо рӯзнома гуфт, Иттиходи Аврупо барои ёфтани рохи халли муносиби масъала «роҳи миёна»-ро ҷустуҷӯ мекунад. Ба гуфтаи Боррел, Теҳрон ба музокирот дар ин мавзӯъ бо Энрике Мора, ҳамоҳангсози Иттиҳодияи Аврупо дар музокирот оид ба барқарории созиши ҳастаӣ "хеле муқовимат" мекунад. Вай ин кӯшишро "тири охирин" номид.

Боррел қайд кард, ки сенарияе баррасӣ мешавад, ки тибқи он Сипоҳи посдорони инқилоби исломӣ аз феҳристи созмонҳои террористӣ хориҷ карда шавад, аммо «қисмҳои дигар»-и корпус ҳамчунон террористӣ ҳисобида мешаванд.

"Дар лаҳзаи муайян, ман бояд ҳамчун ҳамоҳангсоз (музокироти Вена) бигӯям, ки ман ин пешниҳодро барои баррасӣ пешниҳод мекунам, ба таври расмӣ ... ягона нуқтаи имконпазири мувозинат ин хоҳад буд ... Мо наметавонем дар ин музокирот идома диҳем. Рӯҳи ҳамешагӣ ҳамон аст, зеро дар ҳамин ҳол Эрон ба рушди барномаи ҳастаии худ идома медиҳад" гуфт Боррел ба рӯзнома.

Иттиҳодияи Аврупо барои наҷоти музокироти тавофуқи ҳастаии Эрон ва раҳоӣ аз бунбаст, ки бар асари талаби Теҳрон аз Вашингтон барои бетеррор кардани Сипоҳи Посдорони Инқилоби Исломӣ, як нирӯи тавонои амниятии давлатӣ ба вуҷуд омадааст, талош мекунад.

Соли 2015 Британияи Кабир, Олмон, Чин, Русия, Иёлоти Муттаҳида, Фаронса ва Эрон як тавофуқи ҳастаӣ - Нақшаи муштараки амалиёти ҳамаҷониба (JCPOA) имзо карданд, ки бар ивази маҳдуд кардани барномаи ҳастаии Эрон лағви таҳримҳоро дар бар мегирад. Моҳи майи соли 2018 Доналд Трамп, раиси ҷумҳури вақти Амрико аз БАРҶОМ хориҷ шуд ва таҳримҳо алайҳи Теҳронро барқарор кард. Дар посух Эрон эълом кард, ки тааҳҳудоти худ дар чаҳорчӯби ин тавофуқро тадриҷан коҳиш дода, аз маҳдудиятҳо дар заминаи таҳқиқоти ҳастаӣ, сентрифугаҳо ва мизони ғанисозии уран даст кашид.

Ҳоло дар Вена музокираҳо барои тамдиди БАРҶОМ ва лағви таҳримҳои Вашингтон алайҳи Теҳрон идома доранд; 27 декабри соли 2021 даври ҳаштум оғоз шуд. Ҳатто дар даври ҳафтум, дар моҳи декабр ҷонибҳо дар бораи ду тарҳи созишнома ба созиш расиданд, ки дар он ҷониби Аврупо мавқеъҳои Эронро дар бар гирифта буд. Рӯзи 31 декабр музокирот ба далели таҷлили соли нав мутаваққиф шуда, рӯзи 3 январ дар Вена музокиротро ҷонибҳо идома доданд. Баҷерӣ Киёнӣ, сухангӯи Эрон гуфт, ки музокирот хуб ҷараён дорад, аммо Нед Прайс, сухангӯи вазорати хориҷаи Амрико, пешрафт дар Венаро “камфурӯшӣ” арзёбӣ карда, аз Теҳрон хост, ба ин масъала ҷиддӣ муносибат кунад.

Хабаргузории РИА Новости