Дар 6 моҳ 145 сокини Суғд даст ба худкушӣ задааст
Давоми шаш моҳи гузашта дар вилояти Суғд 145 ҳолати худкушӣ ба қайд гирифта шудааст. Дар ин бора маркази матбуоти Раёсати корҳои дохилии вилоят иттилоъ дода, гуфтааст, ки аз шумораи умумии онҳое, ки даст ба худкушӣ задаанд, 63- ҳолатро занон ва 16 ҳолати дигарро ноболиғон анҷом додаанд.
Имсол аввалин маротиба дар ноҳияи Масчоҳи Куҳӣ ҳам як ҳолати даст ба худкушӣ задан ба қайд гирифта шудааст, дар ҳоле, ки ин гуна воқеа то ин дам дар ноҳия сар назада буд. Манбаъ афзудааст, ки дар худуди вилоят аз ҳама бештар сокинони ноҳияи Бобоҷон Ғафуров даст ба худкушӣ задаву аз оғози сол то имрӯз 23- нафар шаҳрванди ин ноҳия бо дасти худ риштаи умрашоно қайчӣ задаанд.
«Рӯзгор»
