Чархболи президенти Эрон ба садама дучор шуд
Расонаҳои эронӣ аз садамаи чархболи президенти ин кишвар Маҳмуди Аҳмадинажод дар баландиҳои кӯҳи Албурз хабар доданд.
Бино ба навиштаи пойгоҳҳои иттилоърасонии ин кишвар Маҳмуди Аҳмадинажод аз чорабинии ифтитоҳи тарҳи калонтарин нақб дар вилояти Мозандарон бармегашт. Аммо дар ҳамин роҳи бозгашт халабони чархбол ноҷурие дар парвоз эҳсос кард ва ногузир шуд тасмим бигирад ба замин нишинад.
Президент ва ҳамроҳони ӯ осеб надиданд ва баъди фурсате савори мошинҳо озими Теҳрон шуданд. Бино ба гуфтаи манбаъҳои хабарӣ чархбол то муддате, ки таъмир нашавад, дар ҷойи ҳодиса хоҳад монд. Дар бораи ҷузъиёти ҳодиса иттилои аз бештар дода нашудааст.
Қарор аст 14 июн интихоботи президентии Эрон баргузор шавад ва моҳи август Маҳмуди Аҳмадинажод ваколатҳои худро қатъ мекнуад.