АРЗИШИ БЕНЗИН ВА ГАЗ БАЪД АЗ ИНТИҚОДИ УБАЙДУЛЛОЕВ КОҲИШ ЁФТ

Тибқи супориши Маҳмадсаид Убайдуллоев, раиси шаҳри Душанбе нархи бензин ва газ дар нуқтаҳои фурӯши сузишвории пойтахт арзон шуд. Феълан арзиши 1 литр бензини навъи 92 да шаҳри Душанбе 6 сомонӣ ва гази моеъ бошад 2 сомону 30 дирамро ташкил медиҳад.

Ин дар ҳолест, ки ду рӯз қабл дар Душанбе муштариён як литр бензни навъи 92-ро бо арзиши 6 сомону 40 дирам ва газро 2 сомону 50 дирам дастрас менамуданд. Маҳмадсаид Убайдуллоев зимни мулоқоти навбатиаш бо соҳибкорону тоҷирон масъулини ширкатҳои сӯзишвориро аз қабили «Газпром» ва «Умед 88»-ро таъкид кард, ки як литр бензини навъи 92-ро бо арзиши на бештар аз 6 сомонӣ ва гази моеъро бошад бо нархи 2 сомону 20 дирам ба фурӯш гузоранд.

Раиси шаҳри Душанбе масъулини ширкатҳои воридкунандаи сӯзишвориро барои баланд бардоштани арзиши сӯзишворӣ интиқод намуда, роҳбарияти онҳоро бемасъулият унвон кард.

Темур Раҷабализода, «Рӯзгор»