САРМУРАББИИ НАВУ ХОРИҶИИ МУНТАХАБИ ФУТБОЛИ ТОҶИК

Кемал Алиспахичи босниягӣ сармураббии дастаи мунтахаби миллии футболи Тоҷикистон таъйин шуд. Дар ин бора ба мо Фаридун Солиев, сухангӯи Федератсияи футболи Тоҷикистон хабар дод. Ӯ афзуд, ин мутахассиси 46-солаи босниягӣ муҷаввизи мураббии дараҷаи PRO дорад.

Кемал Алиспахич дар ин мақом Олимҷон Рафиковро иваз кард. Дастаи мунтахаби Тоҷикистон таҳти раҳбарии сармураббии нав ба бозии сабқати интихобии Ҷоми ҷаҳон-2014 бо тими Куриёи Шимолӣ, ки 29-уми феврал дар шаҳри Хуҷанд баргузор мешавад, омодагӣ хоҳад дид.

Федератсияи футболи Тоҷикистон ба Олимҷон Рафиков, ки иҷрокунандаи вазифаи сармураббии тими миллии кишвар буд, изҳори миннатдорӣ кард ва ба ӯ дар кори мураббигӣ муваффақият хост.  Олимҷон Рафиков ба ҳайси сармураббии дастаи “Истиқлол”-и Душанбе қаҳрамони Тоҷикистонро ба Ҷоми раиси Конфедеросиюни футболи Осиё, ки моҳи майи соли ҷорӣ шурӯъ мешавад, омода месозад.

«Озодӣ»