МУЛОҚОТИ ЗАРИФӢ БО САФИРОНИ АМРИКО ВА ИТТИҲОДИ АВРУПО

Вазири умури хориҷии Тоҷикистон Ҳамроҳхон Зарифӣ дар дидор бо сафирони Иёлоти Муттаҳида ва Иттиҳоди Аврупо барномаи муҳимтарин маъракаҳои соли 2012-ро муаррифӣ кард.

Дар ин мулоқот сафирони Амрико, Кеннет Гросс, Олмон Дорис Ҳертрампф, Фаронса Зиппер де Фабианӣ, кордори умури Британия Марк Водҳам ва иҷрокунандаи вазифаи раиси ҳайати Иттиҳоди Аврупо дар Тоҷикистон Иштван Нитрай ширкат доштанд.

Мулоқот дар ҳоле баргузор мешавад, ки дар моҳи марти имсол Тоҷикистон аз Конфаронси Ҳамкориҳо дар Афғонистон мизбонӣ хоҳад кард. Зарифӣ таъкид намуд, ки ин ҳамоиши муҳим ба рушди ҳамгироӣ ва ҳамкориҳои минтақаӣ ва ширкати минтақа дар эҳёи иқтисодии Афғонистон мусоадат хоҳад кард.