ИХРОҶИ БОЗ 11 МУҲОҶИРИ ТОҶИК АЗ РУСИЯ

Мақомоти Тоҷикистон мегӯянд, Русия имрӯз зоҳиран ба нишони интиқом ба ҳукми зиндони ду халабоне, ки барои ширкати русии «Ролкан» кор мекарданд, ба ихроҷи муҳоҷирони тоҷик оғоз кардааст.

Хадамоти муҳоҷирати Тоҷикистон гуфт, имрӯз 11 тоҷикро бо иттиҳоми нақзи қоидаҳои муҳоҷират аз Маскав ихроҷ карданд. Рӯзи шанбе 12 тоҷики дигар низ аз Маскав ихроҷ шуда буд. Тайи рӯзҳои охир дар Русия наздики 300 муҳоҷири тоҷикро дастгир кардаанд.