ДУ ЗАНИ АФҒОН "БА ДАСТИ НАФАРОТИ ТОЛИБОН САНГСОР ШУДАНД"

Гузоришҳои расида аз Афғонистон ҳокӣ аз он аст, ки афроди мусаллаҳ, ки мақомоти маҳаллии ононро шӯришиёни вобаста ба Толибон донистаанд, як зани бева ва духтарашро дар Ғазнӣ аз хонашон берун кашиданд ва ба иттиҳоми зино, сангсор карданд бе он ки ҳамсоягон барои ҷилавгирӣ аз ин қатл иқдоме карда бошанд.

Мақомоти маҳаллӣ гуфтаанд, ки ду нафарро дар иртибот бо куштани модар ва духтар боздошт кардаанд ва бархе манобеъ низ гуфтаанд, ки ин ду зан авоили субҳ ба зарби гулӯлаи афроди Толибон ба қатл расиданд ва сангсор дар кор набудааст.

Хабарнигори Би-би-сӣ мегӯяд, Толибон нуфузи густардае дар шаҳри Ғазнӣ доранд ва аз чанд истгоҳи радиоӣ ба пахши барномаҳои худ мепардозанд дар ҳоле, ки давлати Афғонистон мекӯшад бар ин шаҳр мусаллат шаванд.