БРИТАНИЯИ КАБИР ДАР ҶУМХУРИИ ҚИРҒИЗСТОН CАФОРАТХОНА МЕКУШОЯД
Вазири корҳои хориҷии Британияи Кабир Уилям Хейг ифтитоҳи сафоратхонаи навбатии Британияи Кабирро дар Бишкек эълон намуд. Сафоратхона фаъолияти худро ба таҳкими рабовити сиёсӣ ва ҳамкорӣ дар соҳаи рушд равона месозад. Бахши раводид ва консулигарӣ бошад дар шаҳри Алматои Қазоқистон боқӣ хоҳад монд.
Сафири Британияи Кабир, ҷаноби Дэвид Моран, ин хабарро ба Президенти Ҷумхурии Қирғизистон хонум Роза Отунбаева расонид. Сафир Моран афзуд: «Ман хурсандам, ки Британияи Кабир дар шаҳри Бишкек сафоратхона мекушояд. Ин ҷонибдории моро аз таҳкими муосибатҳои дуҷониба бо Ҷумхурии Қирғизстон, дастгирии қатъии моро барои таъмини субот, мусолиҳа ва рушди иҷтимоию иқтисодӣ, ки ба манфиати тамоми мамлакат мебошанд, нишон медиҳад. Барномаи кӯмаки Британияи Кабир фаъолиятро дар самти беҳтар намудани идоракунӣ ва пешгирии низоъ идома хоҳад дод. Мавҷудияти сафоратхона ва сафири доимӣ ба ҳамаи ин кӯмаки калон мерасонад».
Кушодашавии сафоратхонаи Британияи Кабир дар Қирғизстон идомаи рушди равобити Бритонияро бо минтақаи Осиёи Марказӣ нишон медиҳад.
«Рӯзгор»
