ДАЪВАТИ ҶАВОНОН БА КОРҲОИ КИШОВАРЗӢ

Бахши вазорати кишоварзии Тоҷикистон дар вилояти Хатлон афроди мустаъид ба кори ин вилоятро барои ширкат дар корҳои кишоварзӣ даъват кардааст.

Ба гуфтаи масъулони ин идора, даъвати мазкур ба манзури афзоиши ҳосил аз заминҳои корам ва коҳиши муҳоҷирати меҳнатии ҷавонон ба кишварҳои дигар сурат мегирад.

Ин даъвати масъулони вазорати кишварзии Тоҷикистон дар вилояти Хатлон тавассути баргузории мулоқотҳо дар ҷамоъатҳои мухталифи кишварзӣ бо мардум сурат мегирад.

Саъдуло Бекназаров, раиси бахши вазорати кишоварзии вилояти Хатлон гуфт, онҳо барои ҷалби ҷавонон ба кишоварзӣ ба онҳо имтиёзҳое дар назар гирифтаанд.

Ба гуфтаи оқои Бекназаров аз ҷамъияти як милюну 700 ҳазории вилояти Хатлон танҳо 28 ҳазор ҷавонон машғули кишоварзӣ будааст ва ин дар ҳолест, ки 80 дар сади ҷамъияти хоҷагиҳои деҳқонӣ вилоятро ҷавонон ташкил медиҳанд.

Би-Би-Си