Ангур ва себ ҳам соҳиби рӯзҳои худ шуданд

Бо амри Президенти Ҷумҳурии Тоҷикистон рӯзҳои Иди ангур ва Иди себ мушаххас шуданд. Лаҳзае пеш дафтари матбуотии Президенти Ҷумҳурии Тоҷикистон Амри Пешвои миллатро дар мавриди таҷлили Рӯзи ангур ва себро расонаӣ кард.

Дар хабар гуфта мешавад, ки аз 17 августи соли 2019 Амри Президенти Ҷумҳурии Тоҷикистон дар бораи эълон намудани Иди ангур ва Иди себ ба тасвиб расид.

Мутобиқи он ҳар сол шанбеи сеюми моҳи август Иди ангур ва шанбеи сеюми моҳи сентябр Иди себ баргузор карда мешавад.

Вазорату идораҳо, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо вазифадор гардиданд, ки баргузории чорабиниҳоро вобаста ба идҳои мазкур дар муҳлатҳои муқарраргардида таъмин намоянд.

«Рӯзгор»