600-солагии Абдураҳмони Ҷомӣ дар рӯзи забон таҷлил мешавад
Ҳамоиши байналмилалии бузургдошти 600-солагии Абдурраҳмони Ҷомӣ дар шаҳри Душанбе рӯзи 6-уми октябри соли 2014 баргузор мешавад. Бино ба иттилои кумитаи тадорукоти баргузории ҷашнвора ахиран созмони ҷаҳонии ЮНЕСКО пешниҳоди Эмомалӣ Раҳмон, президенти Тоҷикистонро дар мавриди дар сатҳи ҷаҳонӣ таҷлил кардани 600-солагии ин шоири нобиғаи тоҷикро пазируфта буд.
Аввалин ҳамоиши он дар пойтахти кишвар дар Рӯзи забони давлатӣ баргузор мешавад ва дар он олимону пажӯҳишгарону ҷомеашиносони тоҷик, инчунин ховаршиносон ва донишмандоне аз кишварҳои гуногунии ҷаҳон, аз ҷумла Эрону Афғонистон Туркияву Русия ва Ҳиндустон низ ширкат хоҳанд кард. Маврид ба ёдоварист, ки дар Тоҷикистон солҳои 1964 ва 1989 солгарди 550 ва 575-уми Мавлоно Абдуррҳамони Ҷомиро таҷлил карда буданд.