Тоҷикистон ба ҷашнвораи 1У байналмилалии мусиқӣ даъват шуд
Сафорати Тоҷикистон дар шаҳри Маскав номаи Лев Кузнетсов, волии кишвари Красноярскро дар мавриди даъвати Тоҷикистон барои ширкат дар Ҷашнвораи 1У байналмилалии мусиқии кишварҳои минтақаи Осиё ва уқёнуси Ором дарёфт кардааст. Ин ҷашнвора қарор аст аз 26 июн то 4 июли соли 2014 дар шаҳри Красноярск баргузор гардад.
Тибқи иттилои дафтари матбуотии Сафорати Тоҷикистон дар пойтахти давлати Русия дар мактуб гуфта мешавад, ки ҷашнвора як муколамаи фарҳангии халқҳои минтақаи Осиё ва уқёнуси Ором буда, бо дастгирии Вазорати фарҳанги Федератсияи Русия, иштироки фаъолонаи Вазорати корҳои хориҷии ин кишвар таҳти васояти Комиссияи Федератсияи Русия оид ба умури ЮНЕСКО хоҳад гузашт.
Ҷашнвора ҷанбаҳои мухталифи санъати анъанавӣ, муосир ва мусиқии кишварҳоро дар барномаи худ инъикос хоҳад кард. Тавре намояндаи Сафорати Тоҷикистон иброз медорад, қарор аст дар ҳошияи ҷашнвора намоиши осори нависандагону шоирони ҷумҳурӣ низ ташкил гардад".