Чароғаки солинавии Симои Мустақили Тоҷикистон

Симои Мустақили Тоҷикистон ба анъанаи неки худ содиқ монд. Дирӯз ҳайати эҷодии он таҳти раҳбарии Зинатуллоҳ Исмоилов дар толори ҷаласаҳои Иттиҳоди журналистони Тоҷикистон барномаи солинавии хешро бахшида ба фарорасии соли 2014-уми мелодӣ бо ширкати шахсиятҳои маъруфи кишвар, азҷумла профессор Иброҳим Усмонов, мунаққиди соҳаи синамо ва файласуфи шинохта Саъдуллоҳ Раҳимов, табиби ҳозиқи рӯҳшинос Маҳмудҷон Кабирӣ, шоирони ширинсухан Хайрандеш, Беҳрӯзи Забеҳуллоҳ, Қосимҷони Зарифӣ, журналистони шинохтаи кишвар Акбар Сатторов, Сайёфи Мизроб, Хуршеди Атоуллоҳ, Султони Ҳамад сабт кард. Ин барнома, ки муҷрии он шоири маъруфи кишвар Ворис мебошад, шоми фардо, 31-уми декабр аз тариқи Симои Мустақили Тоҷикистон ба намоиш гузошта мешавад.