Дар вазорати маориф таҳсили аққалиятҳои миллӣ баррасӣ шуд

Дар вазорати маориф ва илми Тоҷикистон муовини вазир Т.Маҳмадова ва ҳамоҳангсози минтақавии масоили таҳсилоти Комиссариёи Олии Созмони амният ва ҳамкорӣ дар Аврупо оид ба корҳои ақаллиятҳои миллӣ Анастасия Стоянова масъалаҳои марбут ба ақаллиятҳои миллӣ, шароити таълими онҳо дар муассисаҳои таҳсилоти умумӣ, корҳои ба сомонрасида дар ин самт, имконияти ҷорӣ намудани таълими бисёрзабона дар муассисаҳои таҳсилоти умумии таълимашон бо забони ақаллиятҳои миллӣ, таълиму тарбияи хонандагон дар шароити бисёрфарҳангӣ, таъминот бо китобу маводи таълимӣ ва ғайраро мавриди муҳокима қарор додаанд. Дар ин бора ба "Рӯзгор" аз дафтари матбуотии ин вазорат иттилъ доданд.

Бино ба гуфтаи манбаъ хонум Стоянова аз ҷумлаи мутахассисони шинохта дар соҳаи таълимоти бисёрзабона ва бисёрфарҳангӣ дар Осиёи Марказӣ мебошад. Дар ҷараёни суҳбат бо муовини вазири маориф ва илми кишвар вай изҳор дошт барои пешрафти таҳсилоти бисёрзабона ва бисёрфарҳангӣ ҳамчунин ҳамоҳангсозии корҳои анҷомшуда дар кишварҳои Осиёи Марказӣ ҳар кумаки лозиро расонад. Алҳол дар Тоҷикистон ақаллиятҳои миллӣ, узбакҳо ва қирғизҳо бо забони модариашон мактаб доранд. Забони русӣ бошад дар ҳамаи мактабҳои таҳсилоти умумӣҷорист.

"Рӯзгор"