Кӣ соҳиби тӯби тиллоӣ мешавад?
Криштиан Роналду, Леонел Мессӣ ва Фрэнк Риберӣ-се футболбози шинохтаи ҷаҳон мудаии "Туби тиллоӣ" шудаанд.
Намояндагони ФИФА-Федератсияи байналмилалии футбол эълон доштанд, ки дар шаҳри Сюрихи Швейсария пас аз шумурдани овози мураббиҳо ва капитани дастаҳои мунтахаби миллӣ оид ба футбол ин се футболбози маъруф барои дарёфти шоҳ ҷоиза-"Тӯби тиллоӣ" раъйи бештарро соҳиб шуданд.
Рӯзи 13 январи соли 2014 аз ин се футболбоз Криштиан Роналду аз тими "Реал-и Мадрид", Леонел Мессӣ аз тими "Барселона" ва Фрэнк Риберӣ аз тими "Бавария" яке соҳиби "Тӯби тиллоӣ" мешавад.
Ёдовар мешавем, ки чор соли ахир "Тӯби тиллоӣ" насиби Леонел Мессии аргентинӣ шуда буд. Криштиан Роналдуи португалӣ танҳо соли 2008 "Тӯби тиллоӣ"-ро соҳиб шуда буд. Аммо Френк Риберии фаронсавӣ бошад барои нахустин бор аст, ки дар рӯйхати довталабони асосии ин ҷоиза шомил шудааст.
Ибодуллоҳи Тоҳир, «Рӯзгор»
