Ҳунармандони тоҷик ба Кувейт мераванд

Вазорати корҳои хориҷии Тоҷикистон хабар дод, ки қарор аст нимсолаи аввали соли 2014  гурӯҳҳои ҳунарии кишвар як силсила сафарҳои ҳунарӣ ба Кувейт анҷом диҳанд. Дар ин бора зимни мулоқоти Сафири Фавқулодда ва мухтори Тоҷикистон дар Кувейт бо Алӣ Ҳусейн ал-Юх, Раиси Шӯрои илм ва фарҳанги ин кишвар мувофақа ҳосил шудааст.

Бино ба хабари манбаъ эҳтимол меравад дастаҳои ҳунарии фолклорӣ, ансамбли тарона ва рақси бачагона ва оркестри симфонӣ бо силсилабарномаҳои худ дар манотиқи мухталифи ин кишвар баромад кунанд. Ҳамчунин баргузории намоиши рассомони тоҷик ва маҳсулоти ҳунарҳои дастӣ низ дар назар дошта шудааст.

«Рӯзгор»