11:14:39 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Июн 2011 > >>
Дш Сш Чш Пш Ҷм Шб Яш
    1 2 3 4 5
6 7 8 9 10 11 12
13 14 15 16 17 18 19
21 22 23 24 25 26
27 28 29 30      

ҲУКУМАТИ ИМА ДАСТРАСИИ АҲОЛИРО БА ОБИ ТОЗАИ НӮШОКӢ БЕҲТАР НАМУДААСТ

Кордори Сафорати ИМА дар Тоҷикистон хонум Сара Пенхюн дар маросими ифтитоҳи ба истифода додани системаи нави обтаъминкунӣ дар деҳаи Пахтаободи ҷамоати Тоҷикободи ноҳияи Вахш ширкат варзид.

/images/stories/2012/08/31_chistaya-voda-310812.jpgЛоиҳаи мазкур аз ҷониби Оҷонсии ИМА оид ба рушди байналмиллалӣ (USAID) маблағгузорӣ гардида дар доираи лоиҳаи “Таъмини оби тозаи нӯшокӣ дар Тоҷикистон” амалӣ гардидаст. Намояндагони ҳукумати маҳаллӣ ва USAID, сокинони маҳалла ва гурӯҳи кории лоиҳаи номбаршуда дар маросими мазкур, ки дар он мактаббачагон бо намоишҳои худ дар мавзӯи аҳамияти оби тозаи нӯшокӣ ва риояи қоидаҳои беҳдошт (гигиенӣ ва санитарӣ) баромад карданд, иштирок намуданд.

“Дар давоми се соли охир, Ҳукумати ИМА тавассути USAID зиёда аз 1,7 миллион доллари амрикоиро дар сохтан ва барқарор намудани панҷову ҳафт системаҳои обтаъминкуни ҷудо намудааст, ки онҳо 190,000 нафарро дар саросари Тоҷикистон бо оби тозаи нӯшокӣ таъмин менамоянд.” - қайд намуд дар хонум Пенхюн суханронии хеш.

Системаи нави обтаъминкунӣ дар деҳаи Пахтаобод, ки дар доираи лоиҳаи хурд барқарор шудааст, яке аз 29 лоиҳаҳои хурди обтаъминкунӣ буда, аз ҷониби лоиҳаи USAID “Таъмини оби тозаи нӯшокӣ дар Тоҷикистон” дар ҳамкорӣ бо шарикони маҳаллӣ дар қаламрави Тоҷикистон амалӣ гардидааст.

Лоиҳаи TSDWP ба беҳтар намудани дастрасии аҳолӣ ба оби тозаи нӯшокӣ тавассути барқарор намудан ва сохтани инфрасохтори таъмини оби тозаи нӯшокӣ мусоидат намуд. Инчунин омӯзишҳо оид ба риоя намудани қоидаҳои беҳдошт ва тозагӣ дар якҷоягӣ бо дастрасӣ ба оби тозаи нӯшокӣ сатҳи бемориҳои сироятии тавассути об гузарандаро коҳиш медиҳад.

Айни замон, лоиҳаи номбаршуда панҷову се маҳаллаи ноҳияҳои Ҳисор, Турсунзода, Шаҳринав, Файзобод, Бохтар, Сарбанд, Вахш, Хуросон ва Рӯдакӣ фаро мегирад. То ба анҷом расидани ин лоиҳаи, моҳи сентябри соли 2012, USAID тасмим гирифтааст, ки 100,000 нафар соқинони манотиқи деҳотро дар қаламрави Тоҷикистон бо оби тозаи нӯшокӣ таъмин намояд, сатҳи маълумотнокии 500,000 шаҳрвандро дар соҳаи беҳдошт ва тандурустӣ тавассути видеоклипҳо, силсилаи омӯзишҳо ва маводҳои таълимӣ, баланд бардорад.

Лоиҳаи USAID “Таъмини оби тозаи нӯшокӣ дар Тоҷикистон” яке аз лоиҳаҳои сершумори кӯмакрасони мардуми Амрико мебошад, ки тавассути USAID ба мардуми Тоҷикистон пешниҳод шудааст. Сафорати ИМА дар Ҷумҳурии Тоҷикистон аз соли 1992 инҷониб барои амалӣ гардонидани барномаҳое, ки институтҳои демократӣ, рушди соҳаҳои тандурустӣ, маориф ва иқтисодро дар Тоҷикистон дастгирӣ менамоянд, зиеда аз 984 миллион доллар ҷудо намудааст.

“Рӯзгор”



Назари Шумо

Security code
навсозӣ

sultoni-qalbho
askshoi-khotiravi