САФАРИ САФИРИ БРИТАНИЯИ КАБИР ДАР АФҒОНИСТОН БА ТОҶИКИСТОН
Вилям Пэти, Сафири Британияи Кабир дар Афғонистон бо сафари корӣ ба Душанбе омад. Вилям Пэти бо Эркин Раҳматуллоев, мушовири давлатии Президенти Ҷумҳурии Тоҷикистон оид ба сиёсати хориҷӣ, генерал Рамил Нодиров, муовини аввали Вазири дифоъ ва шахсони масъули Вазорати корҳои хориҷии Ҷумҳурии Тоҷикистон вохӯрӣ намуд.
Сафири Британия дар Афғонистон инчунин бо сафири Афғонистон дар Тоҷикистон Абдулғафур Орзу дидору мулоқот намудааст. Вилям Пэтиро ҳангоми ин мулоқотҳо Сафири Британияи Кабир дар Тоҷикистон ҷаноби Тревор Мур ҳамроҳӣ кард. Мақсади сафари Вилям Пэти аз наздик шинос шудан бо сиёсати Тоҷикистон дар қиболи Афғонистон буд. Дар мулоқотҳои хеш Вилям Пэти ҳамчунин оид ба сиёсати Британияи Кабир дар Афғонистон ва дигар кишварҳои минтақа низ сӯҳбат намуд-, омадааст дар хабари иттилоотии маркази матбуотии Сафорати Британия дар Тоҷикистон.
“Рӯзгор”