Нахуствазири Ҳолланд гуфт, НАТО пуштибонии Украинаро идома медиҳад
Нахуствазири Ҳолланд Марк Рютте пас аз сӯҳбат бо дабири кулли НАТО Йенс Столтенберг гуфт, НАТО пуштибонӣ аз Украина ва ҳимояи канори шарқии онро идома медиҳад.
"Ман бо Дабири кулли НАТО ва президенти Руминия сӯҳбати телефонӣ доштам, таҳаввулоти ахир дар Донбассро баррасӣ кардам. НАТО дастгирии Украинаро идома медиҳад ва ӯҳдадор мешавад, ки марзҳои шарқии Паймони Атлантикаи Шимолиро боэътимод ҳифз кунад", - навиштааст Рютте дар саҳифаи Twitter худ. Вай ёдовар шуд, ки 200 сарбози Ҳолланд ба гурӯҳи ҷангии НАТО дар Руминия хоҳанд пайваст.
Нидерландия ҳузури низомии НАТО-ро дар Аврупои Шарқӣ хеле васеъ кард. Аз оғози амалиёти низомии Русия дар Украина, Ҳолланд чанд ҷангандаҳои F-35 ва F-16-ро барои посбонӣ дар фазои ҳавоӣ дар канори шарқии минтақаи паймон фиристодаанд. Ҳамин тавр, чаҳор ҷангандаи F-35 дар Булғористон мустақар шудаанд, ки то охири моҳи май ҳарими ҳавоиро назорат хоҳанд кард. Дар миёнаҳои моҳи апрел Ҳолланд 150 сарбозашро барои истиқрори маҷмӯаҳои зиддимушакии Patriot ба Словакия фиристод. Илова бар ин, зиёда аз панҷ сол аст, ки артиши Голландия дар ҳузури пешқадами НАТО дар Литва иштирок мекунад.
РИА Новости