Кумитаи забон номгузории лавҳаю овезаҳоро месанҷад

Имрӯз бо иштироки раиси Кумитаи забон ва истилоҳоти назди Ҳукумати Ҷумҳурии Тоҷикистон Гавҳар Шарофзода нишасти матбуотӣ баргузор гардид.

Зимни нишаст зикр гардид, ки дар нимсолаи аввали соли 2015 аз ҷониби гурӯҳҳои кории санҷишии кумита дар ҳамкорӣ бо Прокуратураи ноҳияҳои шаҳри Душанбе, Кумитаи телевизион ва радиои назди Ҳукумати Ҷумҳурии Тоҷикистон, Муассисаи давлатии «Рекламаи берунӣ ва ороиши шаҳри Душанбе», мақомоти иҷроияи маҳаллии ҳокимияти давлатии ноҳияҳои Сино, Исмоили Сомонӣ, Фирдавсӣ ва Шоҳмансур вазъи иҷрои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» дар иртибот ба номгузорӣ ва лавҳаю овезаҳои 78 ташкилоту муассиса ва марказҳои хизматрасонии маишии ноҳияҳои пойтахт мавриди санҷиш қарор гирифт.