Имрӯз Душанбе соҳиби боз як дармонгоҳи замонавӣ мешавад

Ҳамин лаҳзаҳо дар маҳаллаи Зарафшони пойтахти кишвар қарор аст маросими ифтитоҳи Маркази саломатии шаҳрии рақами 14 бо ширкати Президенти Ҷумҳурии Тоҷикистон баргузор шавад.

Аз оғози сохтмони бинои замонавии дармонгоҳ ҳудудан ду сол сипарӣ мешавад ва ҳоло баъди анҷом як сохтмони назаррабо, ки ба ҳусни маҳал ҳусни тоза зам кардааст, пеши назарҳо ҳувайдост. Маркази мазкур қаблан дар утоқҳои танги як бинои истиқоматӣ воқеъ дар маҳалли Испечак ҷойгир буд, ки ба талаботи замон ҳеҷ мувофиқат намекард.

Соҳибназар Раҳмонов, муовини вазири тандурустии Тоҷикистон дар сӯҳбат бо хабарнигори "Рӯзгор" иброз дошт, ки назири ин Маркази саломатӣ дар Тоҷикистон қаблан сохта нашуда буд. Он дорои ҳама шароитҳои дармонӣ буда, бо техникаи ҳозиразамони муоина, ташхис ва табобати беморон муҷаҳҳазонида шудааст.

“Рӯзгор”