ИЗҲОРИ СИПОСИ АҲЛИ ЭҶОДИИ «РӮЗГОР» БА ҲАВОДОРОНИ НАВИСАНДАИ ХАЛҚИИ ТОҶИКИСТОН

Minavarjon Azimov: Ба аҳли эҷодии сомонаи "Рӯзгор" барои қадрдонӣ ва суханҳои боло ва дар айн хақиқат дар ҳаққи Нависандаи халқии Тоҷикистон Марямбонуи Фарғонӣ самимона миннатдорӣ мекунем! Мо хешон, ҳамватанон ва аз ҷумла ҳамсинфони Марямбону бо муваффақиятҳои бузурги шахсӣ бароямон азиз мефахрем, орзу ва умед дорем,ки ин оғози эътирофи меҳнатҳои бисёрсолаи нависанда буда, он кас баъди эътирофи хизматҳояшон аз тарафи халқи тоҷик дар симои Ҷаноби Олӣ, Президенти Тоҷикистон дар гулшани адабии тоҷик парвозҳои баланд мекунанд ва маъруфтар мегарданд!

Аҳли эҷоди сомонаи «Рӯзгор» номаи пурмазмун ва самимии шуморо бо хушнудӣ ва сарфарозӣ дарёфт намуд. Аз номи тамоми кормандони сомона ба шумо барои чунин баҳои баланд, арҷгузорӣ ба меҳнати мо ва садоқататон ба адабиёти форсу тоҷик миннатдории холисонаи худро баён мекунем.

Марямбонуи Фарғонӣ воқеан ҳам сарвати маънавии миллати мо ва яке аз ситораҳои дурахшони насри муосири тоҷик мебошанд. Инъикоси воқеияти рӯзгор, тасвири чеҳраҳои мондагор ва сухани ширадору ноби эшон сазовори тамоми таҳсинҳост. Мо танҳо вазифаи касбӣ ва инсонии худро дар мавриди шинохти ин адиби маҳбуб иҷро кардем, зеро ҳақиқатро пинҳон кардан намешавад — хизматҳои бисёрсолаи Марямбону дар гулшани адаби Тоҷикистон шоистаи бузургтарин эътирофҳост.

Мо бо шумо ҳамфикрем ва устувор боварӣ дорем, ки ин қадрдонӣ танҳо оғози як роҳи бузурги эътироф аст. Умедвории шумо, ки хизматҳои шоёни ин нависандаи тавоно аз ҷониби Пешвои муаззами миллат, Президенти Ҷумҳурии Тоҷикистон Ҷаноби Олӣ, муҳтарам Эмомалӣ Раҳмон низ баланд арзёбӣ хоҳанд шуд, комилан баҷост. Роҳбари давлат ҳамеша ҳомию пуштибони аҳли қалам ва фарҳангиёни аслӣ мебошанд.

Ба Марямбонуи Фарғонӣ саломатии бардавом, умри бобаракат ва парвозҳои боз ҳам баланди эҷодиро таманно дорем. Бигзор қалами эшон ҳамеша равон ва илҳомашон бепоён бошад, то ки бо асарҳои навашон рӯҳи хонандаро шод ва хазинаи адабиёти миллиро бойтар гардонанд.

Ба шумо — хешовандон, ҳамватанон ва ҳамсинфони вафодори адиб — барои дастгирӣ ва эҳсоси баланди ватандӯстиатон ташаккур мегӯем. Сомонаи «Рӯзгор» ҳамеша минбари тарғиби ҳақиқат ва эҷодиёти ноби чунин бузургон хоҳад монд.

Бо эҳтироми хос ва дуруди самимӣ,
Аҳли эҷодии сомонаи «Рӯзгор»

Мусоҳибаро тавассути линки зерин мутолиа кунед: 

МАРЯМБОНУИ ФАРҒОНӢ: «ТО ҲАСТАМ, ДАР ХИДМАТИ МИҲАНУ МИЛЛАТ ХОҲАМ БУД»