ИДИ САЪИДИ ҚУРБОН МУБОРАК, ҲАМВАТАНОНИ АЗИЗ!

Ҳамватанони азизу гиромӣ, хоҳ дар Ватан бошеду хоҳ дур аз марзу буми Ватан, Шуморо бо фарорасии Иди саиди Азҳо ё худ Иди қурбон аз самими дил табрику таҳният гуфта  дасти дуо сӯи Парвардигори олам мекушоему барои ҳар яки Шумо ва аҳли хонаводаи Шумо бахту саъодат, рӯзгори хушу хуррам, комёбӣ дар фаъолияти рӯзмараатон талаб мекунем. Худоё, ба баракати ин Иди саъид гузаштагони моро ғариқаи раҳмату шоистаи ҷаннат бигардону мо, боқимондаҳои онҳоро дар паноҳи исматат ҳифзу нигаҳдор бош! Ватани азизи моро аз тамоми газандҳои заминиву осмонӣ нигаҳбон бош!

Омин ё Раббалъоламин!

Бо арзи эҳтиром аҳли эҷоди сомонаи «Рӯзгор»