Барасии ҳамкориҳои иқтисодии Тоҷикистон ва Туркия дар шаҳри Анқара
Дар шаҳри Анқара-пойтахти Туркия рушду таҳкими ҳамкориҳои иқтисодии Тоҷикистон ва Туркия барарсӣ шудааст. Дафтари матбуотии Вазорати корҳои хориҷии кишвар иттилоъ дод, ки 5 августи 2019 дар Анқара ҷаласаи навбатии Комиссияи муштараки байниҳукуматии Тоҷикистону Туркия оид ба ҳамкориҳои иқтисодӣ ба кори худ оғоз намуд.
Ҳайати ҷониби Тоҷикистонро раиси Комиссия, Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода раҳбарӣ намуд. Дар ҷараёни ин нишаст ҳайатҳои корӣ масъалаҳои рушди минбаъдаи ҳамкориҳои гуногунҷанба миёни ду кишварро баррасӣ карданд.
Манбаъ ҳамчунин иттилоъ додааст, ки Вазири рушди иқтисод ва савдои кишвари мо дар чаҳорчӯби ин нишаст аз Парки фанноварӣ ва навоварии шаҳри Анқара дидан намуда, дар бораи имконияти ба роҳ мондани ҳамкориҳои минбаъда дар самтҳои мавриди эҳтимоми тарафайн бо роҳбарияти он парк табодули афкор намуд.
«Рӯзгор»
