Маҳфили бузургдошти Орифшоҳ Орифов

Дирӯз, 10.06.2017, дар толори консертии Филармонияи давлатии Тоҷикистон ба номи Акашариф Ҷӯраев ба ифтихори 80-уми солгарди зодрӯзи устоди эстрадаи тоҷик Ҳунарпешаи Халқии Тоҷикистон Орифшоҳ Орифов бо ибтикори вазорати фарҳанги Ҷумҳурии Тоҷикистон маҳфили ёдбуди ӯ баргузор гардид.

Дар он вазири фарҳанги ҷумҳурӣ Шамсуддин Орумбеков, Артисти Халқии СССР Зебо Аминзода, завҷаи марҳум Орифшоҳ Орифов бону Наима Қаҳҳорова дар бораи рӯзгор, осор ва фаъолияти раҳбарии соҳибҷашн ба ҳайси яке аз бунёдгузорони ансамбли эстрадии овозадори «Гулшан» суханронӣ карданд. Шогирдон ва ҳампешагонаш Артистони Халқии Тоҷикистон Баҳодур Неъматов, Афзалшоҳ Шодиев, Ҳунармандони шоистаи ҷумҳурӣ Раҳима Шалоэр, Ҷамшед Исмоилов, Ҳасан Ҳайдар, Бахтиёр Иброҳимов ва овозхонҳои ҷавон Муҳаммадҷони Баҳодур, Парвиноз Ҳақназарова, Эраҷ Ҳомидов дар баробари зикри хайри устод ва ҳампешаашонро кардан, аз эҷодиёти худ ва соҳибҷашн таронаҳои дилнишине барои мухлисони савту наво низ суруданд.

«Рӯзгор»