Дастгир гардидани гурӯҳи дуздон
Рӯзи 25.10.с.2015, дар ноҳияи Бохтар зимни гузаронидани чорабиниҳои оперативӣ-ҷустуҷӯӣ кирдорҳои гурӯҳи ҷинояткороне, ки пайваста даст ба дуздии чорвои калони шохдори сокинони ин ноҳия мезаданд, ошкор карда шуд.
Ин гурӯҳ иборат аз се нафар: марди 39-солаи сокини н.Бохтар, марди 61-солаи сокини н. Вахш ва марди 61-соли сокини ш. Қурғонтеппа бо роҳи пинҳонӣ аз чарогоҳҳои деҳаҳои Чорсу, Ваҳдат, Меҳвар, Гули Сурхи ноҳияи зикргардида чорвои калони шохдорро дуздида, бо ҳар роҳ маблағи аз ин ҳисоб ёфтаашонро ба манфиати худ сарф мекардаанд.
Ҳамин тариқ, гумонбаршудагон аз сокинони ноҳияи Бохтар: аз марди 42-сола, шаби 31.08 ба 01.09.с.2015, ду сар чорвои калони шохдор, ки арзишашон 6000-сомониро ташкил медиҳад, моҳи июн як сар чорвои калони шохдори марди 34-сола, арзишаш 3000-сомонӣ, шаби 28 ба 29.09.с.2015 аз марди 43-сола чор сар, арзишашон 8000-сомонӣ, моҳи сентябр як сар аз марди дигари 43-сола арзишаш 5000-сомонӣ ва як сар чорвои калони шохдор аз марди 36-сола, ки арзишаш 2500-сомониро ташкил медиҳад, дуздида аз ҷойи ҳодиса ғайб задаанд.
Нисбати далелҳои мазкур парвандаи ҷиноятӣ оғоз карда шуда, тафтишоти ҳодиса идома дорад.
