Эмомалӣ Раҳмон вазири кишоварзиро аз мақом барканор кард
Эмомалӣ Раҳмон, раисиҷумҳури Тоҷикистон, бо амрҳои худ рӯзи сешанбе Қосим Раҳбарро аз мақоми вазири кишоварзӣ озод ва дар ин мақом Зокиров Муҳаммадтоҳирро таъин кард.
Муҳаммадтоҳир Зокиров аз ин пеш раиси Кумитаи давлатии идораи замин ва геодезии Тоҷикистон буд. Бо амри раисиҷумҳур Акбар Табари Ятимзода дар курсии раиси Кумитаи давлатии идораи замин ва геодезӣ нишаст.
Давлатбек Хайрзода ва Иброҳим Нусратзода муовинони раиси Оҷонси давлатии молиявӣ ва мубориза бо коррупсия таъин шуданд.
Ҳамчунин сарвари давлат Холмурод Раҳмонро аз мақоми раиси ноҳияи Қумсангир ва Аминхода Фотеҳро аз мақоми раиси ноҳияи Балҷувон озод кард.
Бино ба фармони раисиҷумҳур, ки дар сомонаи president.tj чоп шудааст, аксари барканоршудаҳо ба кори дигар мегузарад, аммо то ҳол ба кадом кор гузаштанаш маълум нест.
«Озодӣ»
