Вазорати фарҳанг истифодаи фонограмма дар озмуни "Андалеб"-ро манъ кард

Қарор аст аз 4-ум то 22-юми августи соли ҷорӣ бо ширкати  дастаҳои ҳунарии ғолиб аз шаҳру ноҳияи ҷумҳурӣ дар толори Филармонияи давлатии Тоҷикистон ба номи Акашариф Ҷӯраев даври дуюми озмуни ҷумҳуриявии телевизионии эҷодиёти халқ "Андалеб-2014"  аз доир гардад. Дар ин бора ба "Рӯзгор" аз Вазорати фарҳанги мамлакат хабар доданд.

Бино ба иттилои манбаъ  дар доираи барномаҳои фестивал-озмун истифодаи фонограмма, асбобҳои барқии мусиқӣ, ҷалби ҳунармандони касбӣ (ғайр аз коргардон ва устоди рақс), ҳаваскорони дигар маҳалҳо, либосҳо ва жанрҳое, ки дар низомномааи мазкур зикр нагардидаанд, (хор, эстрада), нигораҳои осорхонаҳо манъ аст.

Дар ин озмун ду дастаи ҳунарӣ аз ВМКБ, ду даста аз Суғд, чор дастаи ҳунарӣ аз вилояти Хатлон (минтақаи Кӯлоб ва Қурғонтепа), ки дар озмунҳои маҳаллӣ пирӯз шудаанд, иштирок менамоянд.