Сафири Тоҷикистон бо муовини Вазири адлияи Эрон мулоқот намуд

Дар Теҳрон мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо муовини Вазири додгустарӣ (адлия)-и Ҷумҳурии Исломии Эрон Аскар Ҷалолиён баргузор гардид.

Тавре ба мо аз Сафорати Ҷумҳурии Тоҷикистон дар Ҷумҳурии Исломии Эрон хабар доданд, зимни мулоқот масъалаҳои муҳими равобити дуҷониба, аз ҷумла таҳкими пояи шартномавӣ-ҳуқуқии муносибатҳои дуҷониба, пайгирии иҷрои санадҳои баимзорасида байни мақомоти дахлдори ду мамлакат, ҳифзи ҳуқуқу манфиатҳои шаҳрвандони тарафҳо ва дигар масъалаҳои мубрами дуҷониба баррасӣ шуданд.

Ҷонибҳо барои густариши ҳамкории минбаъдаи ду мамлакат изҳори омодагӣ намуданд.

АМИТ «Ховар»